السلام عليكم ورحمة الله وبركاته
بدون مقدماات
كل ماحاولت اجامل واقول اني بخير
بان في وجهي عذاب الزمان والدمع ساح
الحياه احلام والحلم لو طوّل قصير
ينجلي مثل الضلام ان بدا نور الصباح
والهموم تشب في ضامري مثل السعير
والصدر من زايد الهم والاهات فاح
من سبايب جادلٍ تسكن اعماق الضمير
طيفها لامرّ فالقلب يزداد انشراح
ياحياة الروح جرحي من اسبابك خطير
شف جروحك وسط قلبي كما طعن الرماح
سرت في دربك ولا شفت وش تالي المسير
كني الضامي على الدرب لامن قام طاح
شافتك عيني سراب وتحسب انك غدير
ياسرابٍ كل ماجيت ابشرب منه رااح
ياحبيب الروح طالبك حدد لي مصير
قلبي المجروح لك يشتكي نزف الجراح
بعد ماحبك ملكني وخلاني اسير
والله اني ماعرفت الهنا والارتياح
واهني الطير لاضاق بجناحه يطير
عن طمان القاع يرقى على متن الرياح
مع حبـــى
(كراعين نمله)
الجمعة سبتمبر 12, 2008 10:28 pm